Harry Roque ginisa ni Martin Nievera sa press briefing
Sa pambihirang pagkakataon, sinubukan ng singer na si Martin Nievera na gampanan ang papel ng mga reporter na nagcocover sa Malacañan.
Sa regular press briefing kahapon, isinama ni Presidential Spokesperson Harry Roque si Nievera upang mag-observe sa kanyang trabaho bilang tagapagsalita ni Pangulong Rodrigo Duterte.
Kabilang sa mga tanong ni Nievera kay Roque ay kung ano ang maipapayo niya kay Pangulong Duterte.
Sagot ni Roque, dapat na mag-stick ang pangulo sa kanyang mga talumpati sa mga nakahandang script.
Nangako rin si Roque na tutulungan niya ang pangulo na maghanap ng mas magaling na speech writer para kapag may nakahandang speech ay talagang babasahin ito ng pangulo.
“When he speaks, stick with the prepared script, although I have promised him that I will help look for better speech writers who will actually writes speeches that he will actually read,” ani Roque.
Samantala, sinabi naman ni Nievera na para sa kanya, si Pangulong Duterte ang best singing president sa lahat ng mga naging presidente ng bansa.
“He is the best singing President of all the Presidents,” ayon sa singer.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.