One hand-carry baggage policy ipatutupad na ng Cebu Pacific mula July 17

By Donabelle Dominguez-Cargullo July 13, 2018 - 06:33 PM

Simula sa Martes, July 17, 2018 ipatutupad na ng Cebu Pacific ang mas striktong polisiya sa hand-carry baggage.

Sa abiso ng airline company, isang carry-on o hand-carry baggage na lamang ang papayagan sa bawat pasahero.

Gaya ng dati, ang hand-carry baggage na papayagan sa cabin ay may bigat na hindi lalagpas sa pitong kilo at ang dimension ay dapat 56cm x 36cm x 23cm para sa Airbus flights at 56cm x 35cm x 20cm para sa ATR flights.

Papayagan naman ang mga pasahero na magdala ng laptop na nasa loob ng laptop bag o handbag.

Ang mga adult passenger naman na may kasamang sanggol ay papayagan pang magdala ng isang baby bag bilang hand carry hiwalay sa kanilang 7-kilogram hand-carry baggage.

Ayon sa Cebu bahagi ito ng pagsasaayos ng kanilang operasyon at para mas maging maayos ang check-in experience sa paliparan.

TAGS: airline company, cebu pacific, one hand carry policy, Radyo Inquirer, airline company, cebu pacific, one hand carry policy, Radyo Inquirer

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.