Local candidate sa Taiwan isinama si Pangulong Duterte sa kanyang campaign poster
Viral ngayon sa Facebook ang isang campaign poster ng isang lokal na kandidato sa Taiwan kung saan kasama si Pangulong Rodrigo Duterte.
Ginamit ni Chen Renzhi ng Hualien, Taiwan ang pangulo upang mahikayat ang mga boboto sa local elections na siya ay iboto dahil sa kanyang kampanya kontra droga.
At kanyang isinama nga sa campaign poster si Duterte na kilala ngayon sa buong mundo dahil sa drug war sa Pilipinas.
Sa poster mababasa ang linyang “Cherish Life, Refuse Drugs” at mayroong Chinese Character para sa salitang ‘droga’ na inekisan at nasa pagitan ni Chen at ng pangulo.
Kinuha ang mga larawan sa campaign truck sa kasagsagan ng Dragon Boat Festival at ibinahagi sa Facebook ng isang Nieviv Sucuaje.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.