Jail guard at hepe ng Novaliches Police sinibak sa pwesto
Tinanggal sa pwesto ni Philippine National Police (PNP) chief Director General Oscar Albayalde ang hepe ng Novaliches Police Station at ang naka-duty na jail guard matapos mamatay ang presong si Genesis Argoncillo alyas Tisoy habang nasa kanilang kustodiya.
Kinumpirma ni National Capital Region Police Office director Chief Supt. Guillermo Eleazar na sinibak sa pwesto sina Quezon City Police Station 4 commander Supt. Carlito Grijaldo at ang jail guard na si PO3 Dennis Saño epektibo ngayong Huwebes habang iniimbestigahan ang pagkasawi ni Argoncillo.
Ayon sa Quezon City Police District, si Argoncillo na inaresto dahil sa alarm and scandal noong June 15 at ikinulong sa Novaliches Police Station ay namatay dahil nahirapan itong huminga.
Nilinaw ng QCPD na hindi madahas at naging makatao ang trato nila kay Argoncillo taliwas sa alegasyon ng pamilya nito na nagsabi na nabali ang buto nito at mayroong mga galos ang bangkay ang kanilang kaaanak.
Itinanggi rin ng pulisya na hinuli si Argoncillo dahil sa ipinapatupad na kampanya laban sa mga tambay dahil inaresto umano ito dahil sa pagwawala na tinugunan lamang ng mga pulis.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.