Voting powers ng Korte Suprema para sa mga nominado sa bakanteng pwesto sa SC, ibinalik
Binuhay ng Korte Suprema ang voting powers nito sa bawat bakanteng posisyon sa Mataas na Hukuman.
Natigil ang Korte Suprema sa pagganap sa kapangyarihang ito nang maupo si Dating Chief Justice Maria Lourdes Sereno bilang punong mahistrado at ex-officio chairperson ng Judicial and Bar Council (JBC).
Sa ilalim ng nasabing voting powers, pagbobotohan ng mga mahistrado ng Korte Suprema kung sino ang kanilang irerekomendang aplikante para sa bakanteng posisyon sa Mataas na Hukuman.
Ang resulta ng botohan ay bibigyan ng konsiderasyon ng JBC at karaniwan ding binibitbit ng punong mahistrado sa botohan ng kung sino ang dapat maisama sa short list.
Kaugnay naman ng mababakanteng pwesto sa Korte Suprema dahil sa pagreretiro ni Associate Justice Presbitero Velasco sa Agosto, apat na pangalan ang inirekumenda ng Korte Suprema.
Si Court of Appeals Justice Rosmari Carandang ay may sampung boto; Court Administrator Jose Midas Marquez ay walong boto; habang sina Court of Appeals Justices Jose Reyes at Ramon Garcia ay nakakuha naman ng tig-anim na boto.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.