DND bibili ng submarines para sa Philippine Navy

By Len Montaño June 20, 2018 - 07:41 PM

Inquirer file photo

Bibili na ang Pilipinas ng kauna-unahan nitong diesel-electric submarines bilang bahagi ng kapabilidad ng militar sa gitna ng problema sa seguridad sa rehiyon.

Ayon kay Defense Spokesperson Director Arsenio Andolong, ang pagbili ng mga submarines ay inilagay na nila sa Project Horizon 2 mula sa Project Horizon 3.

Ang mga proyekto sa ilalim ng Horizon 2 ay ipapatupad mula 2018 hanggang 2022 habang ang Horizon 3 projects ay tatakbo mula 2023 hanggang 2028.

Sinabi ni Andolong na ibig sabihin nito ay magiging bahagi na ang Pilipinas sa eksklusibong grupo ng mga bansa na may mga submarines.

Pero hindi agad sinabi ng DND official kung ilang submarines ang bibilhin ng bansa pero kumpirmadong mahigit ito sa isa.

TAGS: andolong, duterte, navy, submarines, andolong, duterte, navy, submarines

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.