Drug suspect patay matapos manlaban sa buy-bust operation sa Caloocan
Sa Caloocan City, patay ang isang drug suspect makaraang manlaban sa isinagawang buy bust operation ng mga otoridad sa Barangay 74 kaninang madaling araw.
Ala 1:10 ng madaling araw nang ikasa ng mga tauhan ng Special District Enforcement Unit ng Caloocan police ang buy bust sa bahagi ng Mecedes Delos Reyes Street.
Pero nang matunugan ang presensya ng mga pulis ay nanlaban ang suspek na si Dave Velerio.
Nabaril naman siya ng mga otoridad na kaniyang ikinasawi.
Nakuha mula sa suspek ang tatlong plastic sachet na naglalaman ng hinihinalang shabu, isang 38 revolver na baril na mayroong mga bala at ang buy bust money.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.