Nakararaming Pinoy naniniwalang seryoso ang problema sa paglaganap ng fake news – SWS

By Rohanisa Abbas June 12, 2018 - 12:24 PM

Naniniwala ang mas nakararaming Pilipino na seryosong problema ang pagkalat ng fake news.

Lumabas sa survey ng Social Weather Stations na 42% ng mga Pilipino o 44 milyong Pilipino ang gumagamit ng Internet araw-araw.

Sa bilang na ito, 67% o 29 milyon ang nagsabing seryosong problema ang paglaganap ng fake news sa Internet. Naniniwala naman ang 13% na hindi ito seryoso habang 20% ang undecided.

Sa kabuuan, mas mababa ang +54 net score nito kaysa +65 score noong December 2017.

Samantala, 60% ng mga Pilipino ang naniniwalang seryosong banta rin ang fake news sa mass media. Hindi naman ito seryoso para sa 13% at 27% anf undecided.

Naniniwala naman ang 61% na seryoso ang gobyerno sa pagsawata ng fake news sa mass media, gaya ng radyo, telebisyon at dyaryo. Walong porsyento naman ang nagsabing hindi seryoso ang gobyerno rito, habang 31% ang undecided.

Isinagawa ng SWS ang survey sa 1,200 adult respondents noong December 8-16 at noong March 23-27 sa pamamagitan ng face-to-face interviews.

 

 

 

 

 

 

 

 

 

 

 

 

 

 

 

 

 

 

 

 

 

 

TAGS: fake news, Radyo Inquirer, SWS, fake news, Radyo Inquirer, SWS

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.