Makasaysayang summit sa pagitan nina Trump at Kim nagsimula na
Naganap na ang makasaysayang summit sa pagitan ni US President Donald Trump at North Korean leader Kim Jong Un.
Kapwa dumating ang dalawa sa lugar na pagdarausan ng summit at nagkamay nang sila ay magkaharap.
Naunang dumating sa Sentosa Island sa Singapore si Trump bago mag alas 9:00 ng umaga.
At hindi kalaunan dumating naman si Kim sakay ng black armored limousine.
Ito ang kauna-unahan sa kasaysayan na nagpulong ang lider ng Estados Unidos at North Korea.
Base sa plano, tatagal ng isang oras ang pagpupulong at kasama nila ang kani-kanilang translators.
Magkakaroon dun ng working lunch kasama na ang iba pang mga opisyal ng pamahalaan ng US at North Korea.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.