Posibleng maagang umalis ng Singapore si US President Donald Trump.
Ito ang inanunsyo ng White House bago pa man magaganap ang mismong pagpupulong ni Trump at ni North Korean leader Kim Jong Un.
Paliwanag ng White House, mas mabilis kaysa inaasahan ang pag-usad ng nuclear talks sa pagitan ng dalawang bansa.
Nakatakdang bumalik ng Estados Unidos si Trump at kanyang mga kasamang opisyal sa Miyerkules ng umaga matapos kausapin si Kim ngayong araw ng Martes. Ngunit Lunes ng gabi ay inanunsyo nito na Martes na siya ng gabi lilipad pa-Estados Unidos.
Hindi naman ipinagbigay-alam ng White House ang mga partikular na progresong naganap sa pagitan ng dalawang bansa sa pamamagitan ng preliminary discussion ng kani-kanilang delegasyon.
Mamayang alas-9 ng umaga magsisimula ang summit.
Bago naman umalis si Trump ay nakatakda itong magsalita sa harap ng mga kawani ng media upang ipaalalam ang naging resulta ng historical meeting ng dalawang lider.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.