P1.1 Billion na isinauli ng Sanofi Pasteur magagamit na ng mga nabakunahan ng Dengvaxia

By Jan Escosio May 28, 2018 - 06:57 PM

Magagamit na ng mga nabakunahan ng Dengvaxia ang higit sa P1.1 Billion na isinauling bayad ng Sanofi Pasteur.

Ito ang tiniyak ni Sen. Loren Legarda matapos ang pagdinig ukol sa mga panukala na paglalaan ng pondo bilang bahagi ng medical assistance program para sa Dengvaxia vacinees.

Sinabi pa ng senadora na ang pondo ay gagamitin para sa mga magiging pangangailangang medikal ng higit 800,000 na naturukan ng Dengvaxia.

Dagdag pa ni Legarda, kailangan linawin kung magkakaroon lang ng takdang panahon sa paggamit ng naturang pondo o hanggang sa maubos ito.

Pagtitiyak pa nito na tututukan niya ang paggasta ng pondo para hindi na muling mabiktima ang mga nabukanahan.

Samantala, umapela naman ang grupo ng mga magulang ng mga nabakunahan ng Dengvaxia na ayusin na ng Department of Health ang listahan ng mga nabigyan ng nasabing anti-dengue vaccines.

TAGS: Dengue, Dengvaxia, doh, Legarda, vaccine, Dengue, Dengvaxia, doh, Legarda, vaccine

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.