Alkalde ng Buenavista, Bohol patay sa pamamaril
Nasawi habang nilalapatan ng lunas ang alkalde ng Buenavista, Bohol na si Ronald Lowell Tirol.
Ito ay matapos siyang pagbabarilin ng tatlong hindi pa nakikilalang mga salarin sa Buenavista Cockpit Arena sa bayan ng Buenavista.
Batay sa imbestigasyon ng Police Regional Office 7, nasa nasabing lugar si Tirol nang pagbabarilin sa ulo ng tatlong salarin.
Matapos ang krimen ay agad na tumakas ang mga suspek sakay ng dalawang motorsiklo.
Agad namang isinugod sa Dagohoy Hospital sa Inabanga, Bohol ang alkalde upang malapatan ng lunas. Ngunit habang ginagamot si Tirol ay binawian ito ng buhay.
Patuloy pa ang imbestigasyon ng mga otoridad tungkol sa pamamaslang, kasabay ng pagtugis sa mga suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.