3 prosecutor, sinuspinde ng DOJ dahil sa korupsyon

By Chona Yu May 27, 2018 - 02:29 PM

Inquirer file photo

Pinatawan ni Justice Secretary Menardo Guevarra ng 60 araw na preventive suspension ang tatlong prosecutor dahil sa pagkakadawit sa korupsyon.

Kabilang sa mga nasuspinde sina Pasay City prosecutor Benjamin Lanto, Inquest prosecutor Clementine Villanueva at Assistant prosecutor Florencio Dela Cruz.

Nahaharap din sa kaso ang tatlo sa Department of Justice Internal Affairs Unit dahil sa gross neglect of duty, gross incompetence at inefficiency.

Nasangkot ang tatlo sa pag-release sa mga suspek na dawit sa smuggling ng alahas sa Ninoy Aquino International Airport (NAIA).

Matatandaang noong Mayo 5, naaresto sina Customs operations officer Lomonto Macabando at ang mag-asawang Abraham at Bang sa Mimbalawang dahil sa pagpupuslit ng mga alahas na nagkakahalaga ng P3 milyon.

Binibigyan ang tatlong prosecutor ng 10 araw para magsumite ng sagot sa internal affairs unit ng National Prosecutors Service.

TAGS: Assistant prosecutor Florencio Dela Cruz, DOJ, Inquest prosecutor Clementine Villanueva, korupsyon, Pasay City prosecutor Benjamin Lanto, Assistant prosecutor Florencio Dela Cruz, DOJ, Inquest prosecutor Clementine Villanueva, korupsyon, Pasay City prosecutor Benjamin Lanto

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.