Chairmanship sa komite wala pang deal para kay Pimentel — Sotto
Bukod sa Committee on Trade, dalawa pang komite sa Senado ang maaaring ibigay kay Senador Koko Pimentel.
Ito ang sinabi ni Senate President Tito Sotto III, sabay katuwiran na bilang dating namuno sa Senado nararapat lang aniya na mabigyan ng mga komite si Pimentel para kanyang pamunuan.
Ngunit paglilinaw ni Sotto, hindi nila ito napagkasunduan nang bumaba sa pwesto si Pimentel.
Pag-amin naman ng senador na ang mga komite na mapupunta kay Pimentel ay kanyang napili ngunit inialok din sa kanya ng majority bloc kayat hindi na dapat aniya ito bigyang kulay pa.
Maging ang pagiging chairman ng Committee on Environment and Natural Resources ng Commission on Appointment ay ibinigay kay Pimentel mula kay Senador Manny Pacquiao.
Ang isa pang komite na naunang nabanggit na maaaring maibigay kay Pimentel ay ang Committee on Local Government na pinamumunuan ngayon ni Senador Sonny Angara.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.