Duterte may sisibakin sa pwesto na opisyal sa susunod na linggo

By Den Macaranas May 24, 2018 - 07:44 PM

Isa pang opisyal ng pamahalaan ang nakatakdang sibakin ni Pangulong Rodrigo Duterte sa susunod na linggo.

Bagaman hindi niya sinabi kung sino ang opisyal, gagawin umano niya ang pagsibak sa kanyang pagbabalik sa Malacañang sa susunod na linggo.

May kaugnayan umano ito sa kurapsyon ayon pa rin sa pangulo.

Sa kanyang talumpati sa pagbubukas ng isang bagong tulay sa Davao City, sinabi ni Duterte na hindi niya bibiguin ang sambayanan sa kanyang pagako laban sa katiwalian.

Inamin ng pangulo na marami siyang ginawang kalokohan sa kanyang buhay pero bago umano niya ipikit ang kanyang mga mata gagawin niya ang mga tamang bagay para sa bansa.

Muli ring ipinaalala ng pangulo na walang maituturing na “First Family” sa bansa dahil pantay-pantay umano ang trato sa bawat isang Filipino.

TAGS: cabinet member, Davao City, duterte, Roque, cabinet member, Davao City, duterte, Roque

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.