Nasungkit ng Filipina-Italian beauty ang korona sa Miss Earth Philippines 2018 na ginanap sa Mall of Asia Arena sa Pasay City.
Ipinasa ni Miss Earth Karen Ibasco ang kanyang korona kay Silvia Celeste Cortesi, 20-year old model na galing ng Rome, Italy.
Tinalo ni Silvia ang 30 kandidata ng Miss Earth Philippines.
Sa question and answer portion, tinalakay ni Silvia ang kontrobersyal na pagsasara ng Boracay island.
Ayon kay Silvia, sangayon siya sa desisyon ni Pangulong Rodrigo Duterte na isara ang isla at kinakailangan na lagyan ng maayos na drainage system ang lugar.
Itinanghal naman na Miss Earth Eco-Tourism si Halimatu Ttanador Yushawu mula sa Zamboanga Sibugay; Miss Earth Water na si Berjayneth Goc-Ong Chee mula Balingasag, Misamis Oriental; Miss Philippines Air na si Zahra Bianca Saldua mula sa Las Piñas City; at Miss Philippines Fire na si Jean de Jesus na mula naman sa San Rafael, Bulacan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.