3 diplomats ng Pilipinas sa Kuwait, nakauwi na ng bansa
Dumating na sa bansa ang tatlong Philippine diplomats na inaresto kamakailan sa Kuwait dahil sa kontrobersyal na video ng pag-rescue sa mga distressed OFws.
Kasama ng tatlo na dumating sa Pilipinas si Presidential Special Envoy to Kuwait Abdullah Mama-o.
Kagabi umalis ng Kuwait ang tatlo na sinundo ni Mama-o.
Bagaman iniutos ng Kuwaiti government ang pagdakip sa tatlo ay pinili naman nilang manatili sa loob ng embahada ng Pilipinas doon kaya hindi rin sila napasakamay ng mga otoridad sa Kuwait.
Matapos malagdaan ang kasunduan sa pagitan ng Pilipinas at Kuwait, pinayagan na ring makauwi ng bansa ang tatlo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.