COA iginiit na walang nilabas na audit report sa PCOO
Nanindigan ang Commission on Audit (COA) na wala pa silang inilabas na anumang audit report sa Presidential Communications Operations Office (PCOO) para sa taong 2017.
Taliwas ito sa ulat na sinita umano ng COA ang umano’y maanomalyang proyekto ng PCOO.
Ayon sa COA, isinasagawa pa lang ang audit report at wala pa silang inilalabas na ulat.
Dadag ng ahensya, pina-publish at inilalagay sa kanilang website ang pinal na report.
Paglilinaw ito ng COA matapos gamitin ni Sen. Antonio Trillanes IV sa inihain nitong resolusyon ang isang balita mula sa online site ng isang tabloid.
Batay sa naturang ulat, lumabas sa PCOO audit report ang 647 million pesos na ginamit sa information caravan sa Chairmanship ng Pilipinas sa Association of Southeast Asian Nations noong 2017.
Sinabi naman ni PCOO Undersecretary Noel Puyat na malisyoso at peke ang nasabing tabloid story dahil sinabi umano ni COA Supervising Auditor for PCOO Edna Salaguban na wala pang inilalabas na audit report.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.