Ikalawang bahagi ng TRAIN Law posibleng hindi aprubahan ng Kamara
Nagbanta si House Ways and Means Committee chairman Dakila Carlo Cua na hindi nila aaprubahan ang ikalawang package ng Tax Reform for Acceleration and Inclusion (TRAIN) Law.
Ito, ayon kay Cua, ay kung hindi mailatag nang maayos at maipatupad ang implementing rules and regulation para sa voucher program ng Pantawid Pasada.
Pahayag ito ni Cua matapos na aminin ni Arnel Guballa ng operations group ng Bureau of Internal Revenue (BIR) na pinag-aaralan pa rin nila hanggang sa ngayon ang pamamahagi ng P200 na voucher para sa Pantawid Pasada ng mga pampasaherong jeep.
Isinusulong ngayon ng Duterte administration ang TRAIN 2 na nakatuon naman sa pagpapababa ng corporate income tax at rationalization ng tax incentives ng mga kumpanya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.