Japan nagpasa ng batas para mahimok ang kababaihan na sumali sa pulitika
Nagpasa ang mga mambabatas ng bansang Japan ng isang batas na hihimok sa mga kababaihan ng kanilang bansa na sumabak sa pulitika.
Ito ay dahil underrepresented o kulang ang bilang ng mga kababaihan sa kanilang pamahalaan.
Sa ilalim ng naturang batas, hinihimok ang mga political party sa Japan na magkaroon ng pantay na bilang ng lalaki at babaeng kandidato para sa halalan.
Wala namang nakasaad na parusa sa mga partidong hindi susunod dito.
Nauna nang sinabi ni Prime Minister Shinzo Abe na ang pagkakaroon ng mas mataas na bilang ng mga kababaihan sa pamahalaan ay susi para sa ekonomiyang Japan, lalo na’t nakararanas sila ng labor shortage o kakulangan sa mga manggagawa.
Sa ngayon, 47 lamang mula sa 465 na miyembro ng parliament ng mababang kapulungan ng Japan ang kababaihan.
Nangulelat rin ang Japan sa G7 na mga bansa batay sa Global Gender Gap Report ng World Economic Forum.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.