Davao Occidental, niyanig magkasunod na lindol
Dalawang magkasunod na lindol ang naitala sa Davao Occidental Miyerkules ng madaling araw.
Ayon sa Phivolcs unang naitala ang magnitude 3.3 na lindol sa 115 km timog ng Jose Abad Santos, Davao Occidental alas-3:06 ng umaga.
May lalim itong 5 km at tectonic ang origin.
Nasundan naman ito ng 3.9 magnitude na pagyanig na naitala naman sa 366 km Timog ng Sarangani, Davao Occidental alas-03:10 naman ng umaga. Tectonic din ang origin at may lalim na 92km.
Samantala, niyanig din ng magnitude 3.1 na lindol ang 30 km hilaga ng bayan ng Banton sa lalawigan ng Romblon kaninang ala-1:11 ng umaga. may lalim na 12 km at tectonic din ang origin.
Wala namang naitalang pinsala sa mga ari-arian at walang inaasahang aftershocks.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.