Malakas na presenya ng mga pulis sa May 14 polls, tiniyak ng Comelec

By Angellic Jordan May 12, 2018 - 06:50 PM

Inquirer file photo

Tiniyak ng Commission on Elections (Comelec) na magiging malakas ang presenya ng mga pulis para sa araw ng Barangay at Sangguniang Kabataan elections.

Ayon kay Comelec spokesperson James Jimenez, nabigyan na direktiba ang mga pulis sa ipapatupad na seguridad sa mga polling precinct.

Siniguro nito na magiging ligtas ang lahat ng polling precincts mula sa pagkuha ng materyales at pagbubukas ng 7:00 ng umaga sa mismong araw ng halalan.

Aniya pa, magiging kontrolado ng civilian board of election tellers ang mga presinto.

Samantala, hinikayat ni Jimenez ang mga botante na mas maiging ilista na ang mga ibobotong kandidato bago pumunta sa mga presinto.

Maaari naman aniyang dumulog ang sinumang may reklamo sa pamamagitan ng 8888 hotline.

TAGS: comelec, May 14 polls, PNP, comelec, May 14 polls, PNP

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.