Desisyon ng SC, pilit na pilit – Noynoy Aquino
Tinawag ni dating Pangulong Noynoy Aquino na isang pilit na pilit na desisyon ang pagpabor ng Korte Suprema sa Quo Warranto petition ng Office of the Solicitor General laban kay Chief Justice Ma. Lourdes Sereno.
Sa isang statement, inihalintulad ni Aquino sa mangga ang sitwasyon. Aniya, kung nais ng matamis na mangga ay kailangang maghintay na mahinog ito.
Pero kung pipiliting mahinog ay magiging maasim ang kalalabasan.
Paalala ni Aquino na makailang beses na binanggit ng Korte Suprema na kung batas ay malinaw, hindi na kailangan ng paliwanag pa.
Klaro aniya sa Saligang Batas na ang impeachable officer ay mapapatalik sa pamamagitan ng impeachment. Sa kanyang pananaw, ani Aquino, na kung anuman ang paliwanag ng mayorya ay makikitang pilit na pilit ang pasya ng Kataas taasang Hukuman.
Si dating Pangulong Aquino ang nagtalaga kay Sereno bilang punong mahistrado ng Supreme Court. /
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.