Banggaan ng bus at jeepney 12 sugatan sa Camarines Sur
Sugatan ang 12 katao sa aksidente sa Bula, Camarines Sur.
Sa paunang imbestigasyon ng mga tauhan ng Philippine National Police, binabagtas ng pampasaherong jeepney na sinasakyan ng mga biktima ang kalsada sa Barangay Pawili.
Sinubukan ng isang bus na mag-overtake dahilan para mahagip ang naturang jeepney.
Damay rin sa insidente ang isang tricycle na sakto namang napadaan lang sa lugar.
Nasugatan dito ang walong pasahero at driver ng jeepney at dalawang pasahero at driver ng tricycle.
Tumakas naman ang driver ng bus matapos ang nasabing insidente.
Patuloy ang imbestigasyon ng mga otoridad sa naturang pangyayari .
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.