Julio Diaz, humingi ng tawad kay Pang. Duterte matapos ang pagkakaaresto dahil sa droga
Humingi ng kapatawaran kay Pangulong Rodrigo Duterte ang beteranong actor na si Julio Diaz na naaresto dahil sa droga sa Bulacan.
Ayon kay Diaz, parang sigarilyo ang droga para sa kanya na kahit ano pa ang gawin, hindi niya magawang maiwasan.
Ayon pa kay Diaz, ang iligal na droga ay isang tukso na hindi niya magawang layuan.
Ayon kay Bulacan Police Provincial Director Supt. Romeo Caramat, dati nang drug surrenderee si Diaz, kaya kanilang mino-monitor ang mga aktibidad nito.
Tinawag rin ni Julio na ‘demonyo’ ang droga na tila binubulungan siya na tikman.
Si Diaz ay isa sa mga naaresto ng Bulacan PNP sa ikinasang malawakang kampanya kontra-droga noong Huwebes ng gabi.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.