Freddie Aguilar ikinukunsiderang isama sa senatorial line up ng PDP-Laban sa 2019 elections
Isa ang singer na si Freddie Aguilar sa ikinukunsidera ng ruling party na PDP-Laban para mapasama sa kanilang senatorial slate sa 2019 elections.
Kinumpirma ito ni Senate President Aquilino “Koko” Pimentel III, matapos magpahiwatig si Aguilar nang posibleng pagsabak sa senatorial elections sa susunod na taon.
Nang tanungin si Pimentel kung kasama na ba si Aguilar sa line-up ng PDP-Laban sinabi nitong “hindi pa” dahil isinasapinal pa ng partido ang listahan.
Sa Agosto o Setyempre aniya maaring matapos ang dinal line-up ayon kay Pimentel na presidente ng partido.
Pero nang tanungin kung isa si Aguilar sa ikinukunsidera ay sumagot si Pimentel ng “Oo” dahil miyembro aniya ng partido ang singer.
Ani Pimentel kwalipikado namang tumakbong senador si Aguilar.
Natitiyak din ni Pimentel na may mga ideya si Aguilar sa kung paano ang magagawa ng legislation sa pagresolba ng mga suliranin sa bansa.
Maliban sa mga bagong sasabak sa pagka-senador kasama rin sa ikinukunsidera sa line-up ng partido ang mga re-electionist senators.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.