WATCH: Retiradong pulis arestado matapos bunutan ng baril ang isang MMDA traffic enforcer sa Quezon City

By Justinne Punsalang April 17, 2018 - 06:46 AM

Kuha ni Justinne Punsalang

Paglabag sa election gun ban ang haharaping kaso ng isang retiradong pulis matapos nitong magyabang at maglabas ng baril sa harap ng mga Metropolitan Manila Development Authority (MMDA) traffic enforcer sa kahabaan ng Commonwealth Avenue, Quezon City.

Nakilala ang retiradong pulis na si Roberston Estrella ngunit tumanggi ito na ipagbigay-alam ang kanyang ranggo at police station na dating pinagsilbihan.

Kwento ni MMDA traffic constable Wilson Balceta, pinahinto niya ang UV Express na sinasakyan ni Estrella upang kumpirmahin ang rutang binabyahe nito.

Ngunit dahil natagalan ang paglalabas ng mga dokumento ng driver ay tila nainip si Estrella at nilapitan si Balceta upang magreklamo.

Nagyabang si Estrella at sinabing pulis ito.

Nang hingan ng lisensya na magpapatunay sa kanyang pagiging pulis ay inilabas ni Estrella ang kanyang baril.

Dito na humingi ng backup ang mga kawani ng MMDA mula sa mga pulis na silang umaresto kay Estrella.

Sa ngayon ay nakaditine si Estrella sa Quezon City Police District (QCPD) Station 6.

Paalala naman ni Superintendent Rossel Cejas na siyang hepe ng QCPD Station 6 sa lahat ng mayroong baril, bagaman mayroong license to carry ay kailangan pa rin na mag-secure ang mga gun holders ng gun ban exemption lalo na’t panahon na ngayon ng eleksyon.

 

 

 

 

 

 

 

 

 

 

 

 

 

 

 

 

 

TAGS: Election gun ban, metro news, quezon city, Radyo Inquirer, retired police, Election gun ban, metro news, quezon city, Radyo Inquirer, retired police

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.