Ilang lugar sa Caloocan City at Quezon City, mawawalan ng tubig
Makakaranas ng water interruption ang ilang bahagi ng Caloocan City at Quezon City simula ngayong araw dahil sa maintenance na isasagawa ng Maynilad iba’t ibang lugar.
Mamayang alas onse ng gabi, mawawalan ng tubig ang bahagi ng Barangay 171 sa Caloccan City hanggang alas kwatro ng umaga bukas.
Bukas naman, apektado ng water interruption ang bahagi ng Barangay 175 sa Caloocan City simula alas-10:30 ng gabi hanggang alas-3:30 ng umaga ng Miyerkules.
Mawawalan din ng tubig ang bahagi ng Barangay 176 at 184 sa Caloocan City, at Barangay Greater Lagro sa Quezon City bukas, mula alas-11:30 ng gabi hanggang alas-3:30 ng umaga ng Miyerkules.
Inabisuhan ng Maynilad ang mga apektadong residente na mag-imbak ng tubig, dahil posible ring maantala ang pagbabalik ng suplay ng tubig.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.