Lady Tamaraws tinalo ang Lady Warriors sa UAAP Season 80 women’s volleyball

By Justinne Punsalang April 11, 2018 - 11:23 PM

Lalong napalapit sa twice-to-beat advantage ang koponan ng Far Eastern University (FEU) matapos nitong talunin ang University of the East (UE) sa kanilang naging tapatan para sa UAAP Season 80 women’s volleyball tournament na ginanap sa Filoil Flying V Centre.

Natapos ang laro sa iskor na 25-17, 25-15, at 25-20, pabor sa Lady Tamaraws.

Dahil dito ay umangat sa 9-4 ang win-loss record ng FEU at kasalukuyang nasa ikalawang pwesto sa standings, kasama ang koponan ng Ateneo de Manila University (AdMU) Lady Eagles.

Ayon kay Lady Tamaraws coach George Pascua, target nila ang makuha ang twice-to-beat advantage na magsisilbing reward nila sa kanilang mga sarili para sa magandang performance ngayong season.

Nananatili namang nasa huling pwesto ang Lady Warriors sa kanilang 2-11 win-loss record.

Pinangunahan ni Celine Domingo ang FEU sa pamamagitan ng kanyang 16 points. At para sa UE, kapwa nagtala ng 11 points sina Mary Ann Mendrez at Shaya Adorador.

TAGS: FEU, UAAP Season 80 women's volleyball, ue, FEU, UAAP Season 80 women's volleyball, ue

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.