Pag-atake, karahasan, pangingikil, dapat itigil ng NPA kung sinsero sila sa pagbabalik ng peace talks – Año
Hinikayat ni Department of the Interior and Local Government (DILG) OIC-Secretary Eduardo M. Año ang mga rebeldeng komunista na magpakita ng sinseridad kung gusto talaga nilang umusad ang usaping pangkapayapaan sa pamahalaan.
Ayon kay Ano, dapat na agad na itigil ng kabilang grupo ang karahasan, pangingikil at panununog ng konstruksyon o mga gamit sa sakahan.
Partikular na tinukoy ng opisyal ang mga pag-atake ng mga rebelde noong Mahal na Araw sa Davao City.
Paliwanag pa nya, balewala ang usapang pangkapayapaan kung ang puwersa ng pamahalaan at mga sibilyan ay namamatay, samantalang ang CPP/NPA/NDF ay patuloy sa kriminal nilang aktibidad.
Ayon pa sa dating AFP Chief of Staff “kabilang sa patunay sa sinseridad ng gobyerno ang Enhanced-Comprehensive Local Integration Program (E-CLIP) ng DILG.”
Ito ang programa kung saan tinutulungan ang mga nagbabalik loob na rebelde at tinutumbasan ng pera ang mga armas na sinusuko nila.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.