Biyahe ng PNR, naantala; mga pasahero, pinababa sa Biñan
Bahagyang naantala ang biyahe ng PNR kaninang alas-5:40 ng umaga.
Ayon kay Joseine Geronimo, Spokesperson ng PNR, galing Mamatid, Laguna ang tren at bumabiyahe papuntang Tutuban nang pagdating sa Biñan ay biglang hindi bumukas ang tatlong pinto nito.
Tinatayang nasa 180 pasahero ang apektado at agad pinababa makalipas ang ilang minuto.
Ang iba sa kanila, lumipat na lang sa kasunod na tren habang ang iba naman ay naghanap na lang ng ibang masasakyan lalo’t rush hour pa ng Lunes.
Humingi naman ng paumanhin ang pamunuan ng PNR sa mga naabala.
Sa ngayon, nasa Alabang ang tren na may depekto at kasalukuyang ginagawa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.