Sertipikasyon na nagpapatunay na nagsumite siya ng kumpletong SALN sa JBC, isinapubliko ni Acting CJ Carpio
Isinapubliko ni acting Chief Justice Antonio Carpio ang certification mula sa Judicial and Bar Council (jbc) na nagsumite siya ng kumpletong kopya ng kanyang Statement of Assets, Liabilities and Net worth (SALN) nang mag-apply siya sa pwesto ng Chief Justice noong 2012.
Batay sa certification mula sa JBC, nagsumite si Carpio ng kabuuang labing-apat na dokumento na mas marami pa sa sampung SALN na inoobliga ng JBC.
Nakasaad sa certification na pirmado ni Court Attorney IV Jenifer M. Cabrillo-Salvador at noted ni retired Associate Justice Jose Catral Menro na ngayon ay JBC Executive Committee Chairperson, mayroon sa file nila ng electronic copies ng SALN ni Carpio noong 1992 hanggang 1994.
Nasa certification din na hawak ng council ang mga kopya ng deklarasyon ng mga assets ni Carpio noong 2001 hanggang 2011.
Hakbang ito ni Carpio matapos siyang banggitin ni Chief Justice Ma. Lourdes Sereno sa quo warranto petition laban sa kanya na nakinabang sa relaxed rule ng JBC sa SALN requirement ang ilang nabigo na magsumite ng SALN.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.