94% ng mga Pinoy sinabing masaya sila — SWS

By Justinne Punsalang March 21, 2018 - 03:21 AM

Photo courtesy of magingalagadngsining.wordpress.com

Naitala ang ‘record-high’ ng bilang ng mga Pilipinong masaya batay sa inilabas na resulta ng survey na isinagawa ng Social Weather Stations (SWS).

Sa naturang survey, 94% ng mga Pilipino ang nagsabing sila ay “very/fairly happy.” Ito ay 4 na puntos na mas mataas sa naging resulta ng kaparehong survey noong September 2017.

92% naman ng mga Pinoy ang nagsabi na sila ay “very/fairly satisfied,” na 4 na puntos rin na mas mataas kumpara sa resulta noong September 2017.

Pinakamaraming Pilipino na nagsabing sila ay masaya ay mula sa Mindanao na mayroong 96%. Sinundan ito ng Luzon na may 95%, Visayas na may 94%, at huli ang Metro Manila na mayroon namang 90%.

Nanggaling naman sa Luzon ang may pinakamaraming satisfied na mga Pilipino matapos maitala ang 94%. Kasunod nito ang Metro Manila na mayroong 93%, Mindanao na nakapagtala naman ng 91%, at Visayas na may 89%.

Lumabas rin sa survey na 97% ang masaya sa mga nakapagtapos ng high school, 94% sa mga nakapagtapos ng kolehiyo, 92% naman sa mga nakatapos ng elementarya, at 90% sa mga hindi nakatapos ng elementarya.

Isinagawa ang survey mula December 8 hanggang 16, 2017 sa pamamagitan ng face-to-face interview sa 1,200 na mga respondents.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.