6 arestado sa buy bust sa Tondo

By Justinne Punsalang March 06, 2018 - 12:51 AM

 

Nagkasa ng isang buy bust operation ang mga operatiba ng Manila Police District (MPD) Station 1 kung saan anim na mga indibidwal ang naaresto sa Gagalangin, Tondo, Maynila.

Kinilala ang mga suspek na sina Jose Marie Bumagat, Marlon Puray Eugene Perez, Dinio David, Michael Benito, at Jessielyn Espino. Tatlo sa mga naaresto ay pawang nasa drugs watchlist ng pulisya.

Ayon kay Superintendent Jay Dimaandal na siyang hepe ng MPD Station 1, limang sachet ng shabu na may street value na P1,500 ang narekober mula sa mga suspek.

Mahaharap ang anim sa kasong paglabag sa Republic Act 9165 o Comprehensive Dangerous Drugs Act of 2002 at kasalukuyan silang nakapiit sa detention facility ng MPD Station 1.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.