2 drug suspects, patay matapos umanong manlaban sa mga pulis sa Pasig
Patay ang dalawang drug suspects makaraan umanong manlaban sa mga pulis sa West Bank Road Brgy. Manggaahan Pasig City.
Ayon kay Police Sr. Supt. Orlando Yebra, hepe ng Pasig City police, nagsagawa ng buy bust operation ang kanilang Drug Enforcement Unit nang maganap ang engkwentro.
Isang Kimron Fontejon alyas Kim at isang hindi pa kilalang lalaki na kasama nito na sakay ng isang motorsiklo ang katransaksiyon ng mga operatiba sa lugar.
Nang matunugan na pulis ang kanilang katransaksiyon, pinaputukan umano ng mga suspek ang mga pulis dahilan para gumanti ng putok ang mga operatiba na naging sanhi ng kamatayan ng 2 suspek.
Sa ngayon patuloy ang imbestigasyon ng mga otoridad sa pinangyarihan ng insidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.