Nietes at Viloria handa na sa pagdepensa sa kanilang titulo sa U.S

By Angellic Jordan February 24, 2018 - 02:56 PM

Inquirer file photo

Handa na sa bakbakan ang dalawang Filipino fighters na sina Donnie “Ahas” Nietes at Brian Viloria matapos sumalang sa ginanap na weigh-in para sa HBO Boxing Superfly 2 Card.

Pasok ang timbang ni Nietes na 111.6 pounds para depensahan ang kaniyang IBF World Flyweight Championship belt kontra kay Juan Carlos Reveco mula sa bansang Argentina.

Samantala, pareho namang 111.4 pounds ang naitalang timbang nina Filipino-American boxer Brian Viloria at ang makakaharap na Ukrainian fighter na si Artem Dalakian para sa bakanteng WBA Flyweight title.

Parehong nangako ang nasabing mga Pinoy boxers na pipilitin nilang mapatulog sa maagang round ang kani-kanilang mga makakalaban.

Gaganapin ang mga boxing match sa araw ng Sabado, oras sa Amerika at bukas, araw naman ng Linggo sa Pilipinas.

TAGS: ibf, nietes, U.S, viloria, ibf, nietes, U.S, viloria

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.