Pangunahing suspek sa pagpatay sa Pinay worker na natagpuan sa freezer sa Kuwait, naaresto na
BREAKING: Naaresto na ang pangunahing suspek sa pagpatay sa Pinay worker sa Kuwait na si Joanna Demafelis.
Kinumpirma ng Department of Foreign Affairs (DFA) na hawak na ng mga otoridad sa Lebanon si Nader Essam Assaf na isang Lebanese.
Ayon kay Philippine Ambassador to Kuwait Rene Villa, ipinabatid sa kaniya ng ministry of labor ng Kuwait ang pagkakadakip sa suspek.
Ayon naman kay DFA Sec. Alan Peter Cayetano, ikinatuwa ni Pangulong Rodrigo Duterte ang development sa kaso ng 29-anyos na Pinay.
Pinasalamatan din ni Cayetano ang mga otoridad sa Kuwait at Lebanon sa ginawang tulong para madakip ang suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.