MRT maagang nagka-aberya, hindi agad nakapagpa-biyahe ng mga tren
Sa pagsisimula pa lamang ng biyahe ng Metro Rail Transit (MRT), agad nakaranas ng aberya ang mga pasahero.
Sa inilabas na incident report ng DOTr MRT-3, pasado alas 5:00 na ng umaga ay wala pang na-dispatched na mga tren.
Ito ay dahil sa power supply failure na naranasan sa bahagi ng North Avenue station hanggang Kamuning.
Napilitan tuloy ang mga pasahero na bumaba at mag-abang na lang ng masasakyang bus sa EDSA.
Kadalasan ay bago mag alas 5:30 ng umaga, may bumibiyahe ng tren ng MRT.
Tiniyak naman ng MRT na agad na ginawan ng paraan ng kanilang mga tauhan ang problema sa power supply.
Pagsapit ng alas 6:15 ng umaga, sinabi ng MRT na naibalik na sa normal ang kanilang power supply at pitong tren ang agad inihanda para makabiyahe.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.