LPA sa silangan ng Mindanao, papasok sa bansa ngayong weekend
Sa weekend na inaasahang papasok sa bansa ang isang Low Pressure Area na nasa silangang bahagi ng Mindanao.
Ayon kay PAGASA weather specialist Aldczar Aurello, may tsansang lumakas pa ang LPA habang papalapit ng bansa dahil kasalukuyan itong nasa karagatan.
Una nang sinabi ng PAGASA na posibleng maging isang ganap na bagyo ang nasabing LPA at papangalanang ‘Basyang’.
Samantala, ang isa pang LPA na binabantayan ng PAGASA sa loob ng bansa ay huling namataan sa 410 kilometers East Northeast ng Hinatuan, Surigao del Sur.
Malaki naman ang tsansa na malusaw ang nasabing LPA.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.