Limang tren lang nai-deploy sa pagsisimula ng biyahe ng MRT ngayong umaga
Sa pagbubukas ng Metro Rail Transit-3 (MRT-3) ngayong Huwebes (Feb. 8) ng umaga, limang tren lang ang unang napabiyahe.
Sa abiso ng control center ng MRT, as of 5:00AM, lima lang ang tren na operational.
Pagsapit ng alas 6:00 ng umaga, nadagdagan ng isa at umabot na sa anim ang operational na MRT train.
Dahil dito, maagang nagdeploy ng P2P buses sa MRT North Avenue station.
Sa halip na alas 6:00 ng umaga na unang biyahe ng P2P bus, pasado alas 5:00 pa lang ng umaga ay mahigit isang dosenang bus na ang nasa bahagi ng North Avenue station sa EDSA
At bago mag-alas 6:00 ng umaga, napuno na ng pasahero at nakaalis na ang unang bus na magbababa sa Ortigas at Ayala.
Inaasahan naman na sa susunod na mga oras ay aabot sa 8 hanggang 9 na tren ng MRT ang mapapabiyahe sa maghapon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.