Patay ang tatlong bata sa sumabog na granada sa bayan ng Lianga, Surigao del Sur kagabi.
Ayon kay Capt. Rodulfo Cordero na siyang tagapagsalita ng 401st Infantry Brigade ng Philippine Army, naganap ang pagsabog sa bahay ng isang Reger Galdiano sa Sitio Nepture sa Barangay Diatagon pasado alas-sais ng gabi.
Sinabi ni Cordero na agad na rumesponde ang mga sundalo ng 75th Infantry Battalion at mga pulis-Lianga.
Napag-alamang pinaglaruan ng biktimang si Renz Galdiano, tatlong taong gulang ang isang M203 grenade launcher ammunition na kalaunan ay sumabog.
Nasawi rin ang kanyang kapatid na si Reden, isang taong gulang at Rynna Tui, 12-anyos.
Ayon kay Cordero, iniimbestigahan ang ama ng mga biktima para tukuyin kung saan at paano niya napasakamay ang M203 ammunition.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.